Gikan sa Wikipedia, ang gawasnong ensiklopedya

Ang Estado sa Israel (Inebreyo: מדינת ישראל, Medinat Yisra'el; Arabiko: دولة إسرائيل, Dawlat Isrā'īl) usa ka nasod nga nahimutang sa Habagatang-Kasadpang Asya, sa Levant nga parte sa Middle East, sa sur-este nga kilid sa Dagat Mediteranyo. Kini giutlanan sa Libano sa norte, Sirya ug Jordan sa este, ug Ehipto sa surweste.

Ang modernong estado sa Israel gihimo niadtong 1948. Ang populasyon karon mga 7 ka milyon, mayoriya mga Hudeyo. Bisa'g kini puy-anan sa mga Hudeyo ug Arabo, kini ang nag-inusarang estadong Hudeyo. Herusalen (Kinatsila: Jerusalén) ang iyang kapital ug sede sa gobyerno ug Tel Aviv ang labing dakong dakbayan. Israel ang nag-inusarang nasod sa Middle East nga gikonsider nga demokrasyang liberal tungod sa iyang mga political rights ug civil liberties. Apil niini, ang Israel gikonsider nga pinakaabanse sa rehiyon sa kagawasan sa prensa, regulasyon sa negosyo, kompetisyon nga ekonomika, kagawasan sa ekonomiya, ug pangtanang human development.